Sa Mental

Test kung may sayad ka

Si Juan ay bumisita sa isang mental hospital at siya'y nag-usisa para sa kanyang school assignment.

Juan: Papaano nyo po ba nalalaman kung talagang me sayad ang pasyenteng dinadala sa dito?

Doktor: Ganito yun. Pinupuno namin ng tubig ang isang bath tub. Tapos, iaabot namin sa pasyente ang kutsara, tasa at balde at uutusan namin siyang tanggalin nya ang tubig sa bathtub. Titingnan namin ngayon kung ano ang gagamitin niya sa tatlo.

Juan: Magaling, siguradong pipiliin ng normal na tao ang balde para mabilis na maubos ang tubig!

Doktor: Mali! Kapag normal ang isang tao, tatanggalin lang niya ang plug (yung tapon na nakabara sa butas) ng bathtub!

kaw namili ka sa tatlo ano?

**********************************************************************

Magaling na nga

Ine-examin nung Doktor yung isang pasyente sa Mental Hospital sa pamamagitan ng tanong at sagot. Tanong nung Doktor, "Kung ikaw ay palabasin ngayon sa ospital, ano ang iyong unang gagawin?"

Sagot nung pasyente, "Titiradorin ko po ang buwan!"

Wika nung Doktor, "Ikaw ay hindi pa pwedeng palabasin. E-examinin ulit kita sa paglipas ng anim na buwan."

Pagkaraan ng anim na buwan, muling inexamin nung Doktor yung pasyente. Tanong nung Doktor, "Kung ikaw ay palabasin ngayon sa ospital, ano ang iyong gagawin?"

Sagot ng pasyente. "Doktor, ako'y magaling na.
Pagkalabas ko po sa ospital, ako po ay hahanap ng trabaho upang mamuhay ng mag-isa."

Muling nagtanong ang Doktor, "Pagnakahanap ka ng trabaho, ano ang iyong gagawin?"

Sagot ng pasyente, "Doktor, ako po ay manliligaw ng isang mabait, masipag at magandang babaeng pwede kong makakapiling na pang habang buhay."

Gulat ang Doktor! Mukhang matino na ang kaniyang pasyente!

Muli pang nagtanong ang Doktor, "Pagkatapos niyong makasal, ano ang iyong gagawin?"

Sagot ng pasyente, "Aba, Doktor, kami po ay mag-hahanimun!"

Bilib na naman ang Doktor. Tanong ulit ng Doktor, "Ano ang iyong gagawin sa inyong hanimun?"

Sagot ng pasyente, "Doktor, huhubarin ko po ang blusa at palda ng aking bagong asawa."

"Pagkatapos..." tanong ng Doktor.

"Pagkatapos...", sabi ng pasyente, "huhubarin ko ang kaniyang bra at panty".

"Pagkatapos..." tanong ng Doktor.

"Pagkatapos..." sabi ng pasyente, "kukunin ko lahat ng lastiko sa bra at panty at titiradorin ko ang buwan!"